Humors ir tik nav kas Satīra

Meiļo deputotiņ, mun tavis žāl, topēc rakstu.
Dēls, turi cīši naudiņu, vorbūt pošam jumts prohuģīsies. Lai tī Torņa īlas nabodzeņi poši mocās dzeivot. Vot es – Sibīriju izgoju un vēl šūdīn dzeiva. Golu golā pat bārns zina, ka sliecēju globšana ir viņu pošu rūkās. Padūmu gan nelīdz citodi kauleņus nesolaseisi. As tev palīdzeišu.
Ķīnā beji, malocis! Pīredze ir loba līta, tū tev nevīns neatņems. Vorbūt otvedi kodu bambusa gaboliņu? Runai ka augūt ko makans.Tu man tū otnes, pa zīmu audzēšu uz palūdzes, povasarī bozīšu sporta laukumā īkšā, topat tur nevīns nedrasē. Skatīs rudenī vorēs slīt vai stutēt mojai golu. Voi nu būs stipri jomoca kā tūs guļomos taisīt, mūsu senči toču pastolas pina, kodam vorbūt vēl policis protā.
A norvēģi, tī tik ir makani, līdz naftai aizrakušīs . Vai nu tev nepateica ko šī līta daros! Sarunāj ar aizsardzeibas ministru tos lopstas kos viņiem nederūt. Dūd rūkās tīm bēdubroļiem – lai rok. Mums jau zemeite mīkstoka un tai naftai ar kaut kur jobūt. Lai strodai, nabūs laika čeikstēt! Ja tīs lopstas gauži švokas, nikas, spīd uz daudzumu. Salūzušos nūdūd por naudu Latvijas metalurgam, i skotīs polaideis rūpneicu, a tev vorbūt medāli īdos. Tad nu gon, dēls, moni neaizmiersti – otnes kodu bonbonku. Zūbi gan mon ir švaki, bet tos glaunajās kastēs, kū tev nes, ir meikstos un varen smeķīgas.
Turīs, dēls, un klousi moni
Tava tante Ā.
P.S. Togad lidoi uz Japonu tur nū tukšom plostmosas pudelēm visaidus breinumus taisūt. Vot lai tī Torņa īlas pensionāri strodai un poši pelna naudeņu. As tos pudeles salaseišu! Zaiga ar Māri solījās paleidzēt.

alma1717

Mīļo deputotiņ, redzēju tevi bolu vaigu esam. Laikam tī Torņa īlas bodmiras tev mīru nelīk. Vēlreiz soku – nasit kreņķi! Vorbūt naudeņu tūmēr īlīc burko un nūroc zemē. To mums vectēvs dorīja. Vāku gon uzlīc bleķa, plastmosu žorkas sagrauza. Vot es raudoju! Vecijs skūpulis, lobāk mon jaunu kleiti būtu nūpircis, tod es pī glaunoka veira būtu tikuse. Lai nu polīk, katram sovs liktens.
Dzierdēju ko tu taisūtīs uz ministriju dūtīs, vai tev prots!? Tur tokš zogļi sovairūjušīs, pot nū KNAB dokumentus nūzūg. Lai brouc poši – nū tīm topot nav kū poņemt. A tev tū glaunū šlipsi nūrous, nu tū ar tīm smaidūšojiem mērkoķīšiem kū seiva no siltom zemēm atveda.
Itī stov ko nabadzeņi pī sovas mojas un roud, ni ceļūs naprūt nūmesties, ni tev rūku nūbučāt (ko Sutka “Purva bridējā’’). Lai poskatās gar stūri ko pī misenēm bomži kaujos. Kos tīm por enerģeju, dzeivotgribu, īsti dobas bārni, todīm prīks poleidzēt! Tīm ir tiesības prosīt, bet īpošnīkiem tikoi pīnokums, poši jau to gribēja. Taisneibu un voineigū grib atrost, vai tod nazin ko dūrei tik spāks! Ja navar ar voru, vojag ar viltu! Tis numurs ar šņaba bodi autoostā ir ģeniāls, to teikt – garom jau nepobrauksi! Stondu stovēju pī plouktīm, mute cīt nevēros. Kos tis por orsenālu – zūbeni, automoti un pistoli, ko dzeivi. Tad mon rodos dūma – nūpurināt putekļus no Robina Huda lindraciņa. Ir tokš 21.godsimts, kurš vairs ar bultom nīkojas. Zini, pēc lobokojām narkūmafijas trodeicijām – pirmos devas jodūdūt por velti, tik doudz naudeņas tokš vari zīdūt tīm Torņa īlas bosikiem. To teikt – iemet īkšā un ņem tū kos prīkšā! Skoteis, i poleigi otri vin uzradeisīs. Es ar pīsakūs – šaut jou nevaidzēs, tikai pabeidēt, par tū tokš cītumā neliks – kū soki?
T.t.Ā

pirms 12 mēnešiem, 2017.02.08 13:15

alma1717

Meiļo deputotiņ, vakar broucu ar autūbusu uz pilsētu. Kopēc broucu? Nu tok pī gondreiz jaunīm zobakīm tiku (vīns mozs caurumeņš, tis pots neredzamā vītā). Vīns pomuļķis bija pī misenēm nūlicis, es ,sīvā cīņā, dabūju tos sev – nu ko oklai vistai grouds! Tad nu to skaisti sēžu, pirmajā beņķī kojas izsteipuse – lai nu vusi redz, un dzierdu ko 3 vecos torbas sarunojas. Aluksnē esot uzradusīs laupītoju bonda – Aluksnes nami, dome un propona gāze. Tei nūzoguši Torņa 15.mojai 15 dzeivokļus un togad prosūt bargu izpirkšonas moksu – 150 000 eiro. Mon vēl nū skūlos loikīm matemotika patīk, es šīm soku – 10 000, tis tok nav doudz toda tiergus vērtībo un tis izpirkums jomaksai visai mojai. 150 kod dala ar 75, tok 2 tūkstūši vin sonok. Šīs soskaitās, nevareišot mīrīgi nūmirt todu grēku poņēmušos, bērnīm un pot mozbērnīm uz kokla uzvēlušas. Es pretī – voi nu nav citu grēku por kū beitīs, šitū tis Kungs otlaideis ar vīglu rūku (ja vispor pomonīs). Šīs nelīkas mīrā – taiseišot piketu – kū dora deputoti ko neredz toutas cīsšanas, tok algu por tū saņemot. Ak debestiņ, kū te vori saceit – vīna tumsoņu tauta. Jou lobu laiku po televīzeri roda ko Rīgā deputoti sapulcēs žāvājos un guļ – sava biznesa nomocīti. Katram toču pīnokos 8 stundu mīgs. Tei alga jau ir tikai ceļa nouda uz dorbu. Pēc šitīm vordīm (švoki atceros kā), pī voldeibas mojas tiku izgrūsta nū autobusa, lobi ko zobaki polika kojās. Vēl pokaļ nūskanēja – lai ejot pī sovējīm , vorbūt man arī algu moksāšūt! Kurš tad nū naudeņas otsakās, bet mon par lilu nelaimi, uz vecumdīnām – nenok mīgs. Lobi vēl ja es ar sovu knosīšanos tikai traucētu jūsu dīndusu, bet vor sonokt ko Raikinam. Tis teica – algo man jones te – pī gultas, nedūd dīvs – aizīšu dorbā, 3institūti nesoprotīs ko es tū breinumu sastrodoju. Es todu grēku nagribu, mon topot viņu pīteik. Lobok lopīšu sovas zeķes mojās, lai jūs vorot čučēt mierīgi. Soldu midzeņu! Kos guļ, tis negrēkoj!

pirms 12 mēnešiem, 2017.02.08 13:16